LAOAG CITY – Agsagsaganan ti biang ti Ilocos Norte Police Provincial Office ditoy probinsia para iti 2025 Midterm National and Local Election.
Segun iti pannakangiwat ti Ilocos Norte Police Provincial Office a ni P/Cpt Sheryl Guzman, naiwayaten ti Multi-Agency Send-off Ceremony para iti naiget a panamonitor ken panagbantay kadagiti nagduduma nga ili ken dua a siudad ditoy probinsia.
Kinunana a daytoy nga addang ket babaen iti nagtitipon a puersa ti law enforcement ditoy probinsia, Philippine Coast Guard, Philippine Army, Philippine Navy and Marines, Bureau of Fire Protection ken nagduduma pay nga ahensia ti gobiernio tapnu mapagtalinaed ti linak, talna ken urnos.
Innayon ni Guzman a maiwayat ti send-off ceremony iti aldaw ti Enero 11 iti Ilocos Norte Provincial Jail nga atendaran ti Department of Interior and Local Government ken Commission on Elections.
Immunan iti daytoy, inrakurak ni P/Col. Frederick Obar, Provincial Director ti Ilocos Norte Police Provincial Office nga iti agdama ket awan pay dagiti makita da a maibilang kas area of concern.
