LAOAG CITY – Agtultuloy ti naiget a kampanya ti Ilocos Norte Police Provincial Office (INPPO) kontra kadagiti illegal a sugal ditoy probinsya.
Daytoy ti inpasingked ni Police Major Jephre Taccad, ti pannakangiwat iti Ilocos Norte Police Provincial Office.
Reaksyon daytoy ni Taccad iti naibaga ni Barangay Chairman Jessie James Bonoan iti Barangay 50, Buttong ditoy ciudad a naibaga dagiti operators ti dropball a nagopera iti barangay fiesta da nga adda ti pammalubos kadakuada ti kampo.
Inpetteng na a dagiti nagduduma a sugal a pakairamanan ti dropball ket nabayagen nga ipawpawil ti linteg ken saan pulos nga agisyu ti permit ti Ilocos Norte Police Provincial Office ken uray dagiti municipalidad ken ciudad para kadagiti illegal nga aktibidad.
