LAOAG CITY – Inpasigurado ni P/Lt. Col. Roldan Suitos, Deputy Provincial Director for Operation ti Ilocos Norte Police Provincial Office ti seguridad dagiti turista, picnic goers iti panawen ti kalgaw ditoy probinsia.
Daytoy ket gapu ta umad-adun dagiti indibidual nga agturong kadagiti pagdidigusan.
Inbatadna a nakabantay latta dagiti kameng ti Philippine National Police pakiramanan dagiti force multiplier, barangay tanod ken dadduma pay.
Kuna ni Suitos nga agpatrolya pay dagiti kameng ti nailian a pulisia tapno awan dagiti agaramid ti kinadakes kadagiti pagpasiaran ditoy probinsia.
