LAOAG CITY – Naipaayen ti insentibo dagiti estudiante ditoy siudad ti Laoag a nakisalip iti Regional School Press Conference iti kallabes.
Daytoy ket kalpasan nga adda ti pannakaitantanna gapu ta in-safekeep pay laeng ti Department of Education – Schools Division Office ditoy siudad ti Laoag.
Mainaig iti daytoy, indauloan ni Mayor James Bryan Alcid iti pannakaipaay ti nasao nga insentibo kaduana dagiti sumagmamano a kameng ti Sangguniang Panlungsod kas kada Konsehal John Michael Fariñas, Chairman ti Committee on Education.
Naammoan a dumanon iti sumurok 100 nga agad-adal dagiti naipaayan ti cash incentives.
Maipalagip nga in-safekeep ti Department of Education – Schools Division of Laoag City ti 147 a ribu a pisos nga insentibo para kadagiti estudiante ditoy siudad ti Laoag a nakisalip iti Regional School Press Conference tapno masigurado nga awan ti agbalin a maris pulitikana daytoy agingga a saan a nalpas ti eleksion.
