LAOAG CITY – Patien ni Police Brigadier General Crisaleo Roleda Tolentino, Region 1 Director ti Philippine National Police a nasken a maestablisar dagiti rason no apay nga adda dagiti mapaspasamak a kinaranggas iti uneg ti pagadalan.
Daytoy ti kangrunaan nga addangda malaksid iti panangprebentar ken panang-monitor kadagiti pagadalan.
Inlawlawagna a no pay saan a trabaho ti pulis dagitoy ket mausarda ti inter-agency partnership-da tapno masolbar dagitoy nga isyu.
Maipalagip nga adda dagiti sumagmamano a pagadalan a nakapasamakan dagiti insidente ti kinaranggas no sadinno saan a dagiti nataengan ti nangiyuswat no diket dagiti mismo nga agad-adal kadagiti pagadalan a nangitunda ti nakatayan dagiti sumagmamano nga indibidual.
