LAOAG CITY – Inbatad ni Police Brigadier General Crisaleo Roleda Tolentino, Region 1 Director ti Philippine National Police a zero tolerance ti rehion 1 kadagiti kaso a pakairamanan dagiti sumagmamano a Philippine National Police personnel.
Segun kenkuana, araramidenda ti amin tapno maliklikan dagiti isyu a pasamak kas dagiti pannakaisayangkat dagiti preventive approach, panangipalagip ti command responsibility ken pannaki-innuman kadagiti opisial nga agbalinda nga active listeners.
Inlawlawagna nga adda dagiti problema ti tunggal maysa kadagitoy ken tao laeng met dagitoy isu a masapol a makasarita ken mangngegan no ania dagiti problema dagiti personnel tapno saan a mairaman ti trabahoda kas dagiti problema iti pamilia ken pinansial.
Kabayatanna, inpakaammona nga ikarkarigatanda a mapagtalinaed ti napintas ken alisto a serbisio para iti publiko ken umiso ti bilang iti agdama dagiti kapulisan iti rehion 1.
