LAOAG CITY – Nangisayangkat ti Department of Trade and Industry ti inspeksion kadagiti kangruaan a produkto a magatang dagiti Pilipinong konsyumer.
Personal a nagturong ni Secretary Cristina Roque iti maysa a supermarket a masarakan iti paset ti Commonwealth Avenue iti siudad ti Quezon.
Naiget a kinita ti sekretario dagiti nakaikabil a presio kadagiti produkto a napateg iti inaldaw-aldaw a panagbiag ti publiko.
Inbatad ni Secretary Cristina Roque, adda ti inaprobaranda a baro a Suggested Retail Price kadagiti produkto a tinapay iti kallabes.
