LAOAG CITY – Nagsublin iti normal a sitwasyon idiay Chile kalpasan ti panagbisita ni Pope Francis.
Segun kenni Loveljoy Faylogna, OFW idiay Santiago, Chile, tubo ti Pasuquin, Ilocos Norte, nakaipaay ti santo papa ti inspirasyon ken namnama kadagiti Overseas Filipino Worker gapu kadagiti kinasayaat nga inpakpakita na.
Kuna na nga arig a nalag-anan ti rikna na uray masansan a mabannog iti trabaho na nga arig na a milagro a napukaw ti bannog na.
Inbatad ni Faylogna a ballaygi ti panagbisita ni Pope Francis uray adda ti nangiwayat ti anti-pope protest gapu ti naiget a seguridad.
Innayon na nga umabot ti nasurok 400,000 a tattao ti nakipaset tapno makita da ti santo papa.
