LAOAG CITY – Narikna ti instrumental intensity 3 ditoy siudad ti Laoag iti kaudian ken kapigsaan nga aftershock kalpasan ti magnitude 7 a gingined iti Hulyo 27.
Basar iti PHIVOLCS, narikna ti magnitude 5.2 a gingined iti agarup tallo a kilometro iti amianan a daya ti Villaviciosa, Abra.
Addaan daytoy ti kauneg a 22 a kilometro ken naireport ti intensity 5 iti Bantay, Ilocos Sur, intensity 4 iti Bangued, Abra, intensity 3 iti Baguio City.
Malaksid ditoy siudad ti Laoag a nakarikna ti instrumental intensity, karaman pay ti intensity 5 iti Vigan City, Ilocos Sur, intensity 4 iti Pasuquin, Ilocos Norte, intensity 3 iti Sinait, Ilocos Sur, intensity 2 iti Tabuk, Kalinga; Claveria ken Penablanca, Cagayan ken intensity 1 iti dadduma a paset ti Baguio City; Dagupan City, Pangasinan; Ilagan, Isabela.
