LAOAG CITY – Kinumpirmaran ni Police Major Sheryl Guzman, ti pannakangiwat ti INPPO nga adda metten ti panagsasarita da kadagiti invetigation officers mainaig iti panangipost ti LTO Alert Ilocos Norte ti lokasyon ti pakaisaysayangkatan ti checkpoint.
Segun kenni Guzman, ummuna a determinaren da no anya ti intensyon ti nasao a grupo ken no siasinno dagiti karaman iti daytoy a panagipost iti lokasyon ti checkpoint dagiti pannakabagi ti linteg.
Inlawlawag na pay nga ar-aramiden da ti trabaho da ken saan a nasayaat para iti operasyon da daytoy nangruna no adda ti mapaspasamak a krimen.
Inpetteng na a no adda ti krimen a mapasamak ket maysa a wagas ti panagipost iti social media ti lokasyon ti pakaiyuswatan ti checkpoint a mangpalusot iti suspek.
Pinalagipan ni Guzman ti publiko a masapol a panunuten da a naimbag sakbay nga agipost iti social media kadagiti impormasyon.
Kabayatanna, inpanamnama met ti Land Transportation Office iti Bombo Radyo a mangipaay daytoy ti komento seknan iti daytoy a banag.
Nupay kasta, ummunan nga inbatad ti opisyal ti LTO-Batac nga idanon da daytoy nga isyu iti Regional Director ti nasao nga ahensya nangruna ket saan laeng a ditoy Ilocos Norte ti pakaar-aramidan daytoy.
Kuna ti opisyal nga intono bigat ket addda ti virtual meeting dagiti opisyales ti LTO ken manamnama a mapagsasaritaan daytoy a banag.
Innayon na a rumbeng a saan a madakdakamat ti nagan ti LTO iti kastoy banag.
