LAOAG CITY – Pinalagipan manen ni Police Lt. Col. Dexter Barian, ti mangidadaulo ti Internal Affairs Service iti Ilocos Norte Police Provincial Office kadagiti kameng ti pulisya a masapol a suruten da ti sinapataan da a trabaho.
Segun kenni Barian, addan dagiti naestablisar nga Internal Affairs Service Desk kadagiti Municipal ken City Police Station ditoy probinsya.
Kunana a ditoy nga agderetso dagiti tattao nga agreklamo kontra kadagiti pulis ngem masapol met a pudno amin nga impormasyon ti maidanon.
Inpasigurado na nga agbalin da a patas iti panangtratar kadgaiti amin a dumanon a reklamo kadagiti pulis nangruna iti panagusar ti service firearm da.
Inpetteng na a sipud nangrugi iti serbisyo dagiti pulis ket ammo da met no anya ti pakausaran ti paltog.
