LAOAG CITY – Inrakurak ni EJ Obiena a saanen a matuloy ti international pole vault event iti pagilian nga idadauloanna.
Daytoy ket kalpasan ti sinagabana nga injury iti napalabas a pole event.
Kunana nga isukat laengen iti nasao nga event ti meet-and-greet event inton Setiembre 15 iti Ayala Malls Manila Bay.
Iti umuna a plano ket maiyuswat koma inton Setiembre 20 ti Philippine International Pole Vault Challenge iti siudad ti Makati.
Nupay kasta, gapu iti sugatna ket nagdesision daytoy nga aginana kabayatan ti panagpaimbagna para iti pannakipasetna inton sumaruno a tawen.
