LAOAG CITY – Selebraran ti Ilocos Norte United Muslim Association ti Eid al-Adha iti tallo nga aldaw.
Segun ken ni Mr. Ismael Ali, Presidente ti Ilocos Norte United Muslim Association, nagatendar ti nasao nga aktibidad dagiti Muslim manipud kadagiti nagduduma a paset iti intero a probinsia kas iti ili ti San Nicolas, Burgos, Pagudpud, Dingras, iti siudad ti Batac ken ditoy siudad ti Laoag.
Inbatadna a tallo nga aldaw ti panangselebrarda ti Eid al-Adha wenno maaw-awagan kas Feast of Sacrifice.
Inlawlawagna a daytoy nga aktibidad dagiti Muslim ket kas pananglagip ti sakripisio ni Prophet Ibrahim para iti anakna a ni Allah.
Kunana kas panangrambak ket agpartida ti kalding, baka ken dadduma pay a pagsasangoanda a taraon.
Innayonna nga adda ti agarup 100 nga indibidual ti nagpa-convert wenno nagpabalbaliw ti relihionda nga agbalin a naan-anay kas maysa a Muslim.
Naammoan a ti Eid al-Adha ket maysa kadagiti dua a major Islamic holidays para kadagiti Muslim no sadinno ti maysa pay a kapapatgan kadakuada ket ti Eid al-Fitr wenno ti panagngudo ti Ramadan.
Kabayatanna, inpakaammo ni Mohammad Casim a nagtitipon dagiti padana a Muslim tapno agkaykaysa nga agkararag ken agpakawan kadagiti basol dagitoy.
