LAOAG CITY – Gutgutiguten ti Ilocos Norte Youth Development Office ti publiko a makipaset iti Sirib youth bloodbank activity a maangay iti Laoag City Hall intono Marso 22 ita a tawen.
Kuna ni Mr. Randy Labasan iti Ilocos Norte Youth Development Office, ti nasao nga aktibidad ket agtultuloy a pakibinnuligan ti gobierno probinsyal ken ti Philippine Red Cross – Ilocos Norte Chapter iti Sirib Youth Organization.
Maipalagip a ti naudi a pannakaiyuswat ti nasao nga aktibidad ket ti idi Disiembre 2024.
Kabayatanna, inpakaammo ni Labasan a kagiddan iti blood donation ket maisayangkat pay ti community engagement wenno ti clean up drive iti baba ti gilbert bridge ditoy ciudad ti Laoag nga idauloan dagiti sirib youth leader iti probinsia.
