LAOAG CITY – Inadmitir ni Iran head coach Carlos Queiroz a ti national team ti England ti kapigsaan a team a makabalubal da iti FIFA World Cup ita a tawen.
Daytoy ket inbilang ti head coach a maysa kadagiti kapigsaan a team ti England sipud idi tawen 1966.
Malaksid iti nasao a team, dinayaw ti Iran head coach ti abilidad ni Gareth Southgate, ti English professional football manager a makastrek kadagiti torneyo babaen iti saan a panagtalek laeng kadagiti goals.
Kabayatanna, dakkel ti namnama dagiti football fans a mangabak ti England ita a World Cup kontra iti Iran iti baet a nakastrek da iti finals idi tawen 2018 sakbay da a makastrek iti finals iti Euro 2020 no sadinno a naabak da kontra iti Italya babaen ti penalty kicks.
Naiget a masipsiputan ti panagay-ayam dagiti leading scorers ti England a ni Forward Harry Kane, number 9 ken iti number 10 ti Iran a ni KARIM ANSARIFARD nga agserserbi met a forward.
Maangay ti ay-ayam ti England ken Iran intono alas-nuebe ti rabii ita a Lunes.
