LAOAG CITY – In-activate ti Iran ti air defense daytoy iti Tehran kadagiti umuna nga oras ita nga aldaw ti Lunes, Hunio 23.
Daytoy ket iti baet a manamnama a retaliatory attack iti inrubuat daytoy a missile attack iti Israel a nalappedan met ti air defense ti Israel basar kadagiti opisial iti Tel Aviv.
Inrakurak ti state-affiliated media a na-intercept ti air defense system ti Iran ti “hostile targets” iti kabisera ti Tehran.
Kinumpirmaran ti Israeli Defense Forces (IDF) a nangirubuat ti Iran ti baro a missile strikes iti Israel.
Daytoy ket nangitunda ti panag-sirens kadagiti sumagmamo a lugar iti pagilian.
Mainaig iti daytoy, inbilin ti Israeli military ti publiko a simrek iti bomb shelters ken naipasigurado nga agop-operar dagiti defense systems.
