LAOAG CITY – Agtultuloy ti panangiwayat ti missile strike ti Iran kadagiti nagduduma a paset ti Israel.
Sumagmamano kadagiti natamaan a nangitunda ti panagbettak ket iti paset ti Tel Aviv ken idiay Jerusalem.
Basar iti Iran, ti nasao nga addang ket kas sungbatda iti inaramid a panangatake ti Israel.
Nalappedan met ti Israel dagiti sumagmamano a rockets ti Iran babaen ti Iron Dome.
Inpannakkel ti Iran a natamaanda dagiti sumagmamano a military sites ti Israel.
Nakabusor ni Israeli Defense Minister Israel Katz ti inaramid ti Iran gapu ta inramramanda dagiti sibilian.
Maipalagip nga iti inaramid a panangatake ti Israel idiay Iran ket natay dagiti nangangato a lider kas kada Gen. Hossein Salami, ti commander-in-chief of Iran’s Revolutionary Guard ken ni Maj. Gen. Mohammad Bagheri, nangato a military official ti Iran.
Inakusaran ti Israel ti Iran nga iyur-urnosda ti nuclear programme daytoy banag a naiget a naglikudanda.
