LAOAG CITY – Nangipeksa ti interes ni United States President Donald Trump a tawagan dagiti Arab countries tapno bayadan dagiti nadadael gapu iti gubat iti Iran.
Inbatad ni White House Press Secretary Karoline Leavitt, kalikagum ni Trump a tulungan dagiti pagilian tapno makabangon.
Maipalagip a nagpangta ni Trump a dadaelenda dagiti energy facilities ti Iran no saanda latta nga agsungbat iti peace deal.
Naminsan manen nga inpaganetget ni United States Secretary of State Marco Rubio dagiti gagemda iti gubat kontra iti Iran.
Kunana nga iti uneg ti sumagmamano a lawas laeng ket malpasdan ti gubat iti Iran ken saanen a makaaramid pay kadagiti nuclear weapons.
