LAOAG CITY – Inbatad ti Iran a saanda nga agal-alisto a mangirugi manen iti nuclear talks iti US.
Segu ken ni Foreign Minister Abbas Araghchi, nakasagana da a makikoordenar iti US laketdi adda ti patas nga interes.
Kunana nga inkeddeng metten ti US ti kondision tapno maituloy ti saritaan.
Karaman kadagitoy ti direkta a negosasion, zero uranium enrichment ken pananglimitar iti missile stocks ti Iran.
Nupay kasta, kuna ti opisyal a saan a lohikal ken saan a patas dagiti naikeddeng a kondision.
Maipalagip a nangisayangkat ti US iti airstrike iti nuclear a pasilidad ti Iran, a nagresulta iti pannakadadael dagiti imprastruktura.
Ti Oman met ti nangidaulo iti pannakaipatungpal ti ceasefire iti nagbaetan ti Iran ken US.
