LAOAG CITY – Tinagabassit laeng ti Iran ti nagbalin a pangta ni United States President Donald Trump a nasken a lukatanda ti Strait of Hormuz iti uneg ti 48 nga oras.
Inbatad ni Iranian President Masoud Pezeshkian a dagiti panagpangta ket mangitunda ti ad-adda a panagkaykaysa dagiti umili ti Iran.
Inlawlawagna a ti pangta ti Amerika a punasen iti mapa ti Iran ket maysa a desperado a tignay.
Kunana a ti Strait of Hormuz ket nakalukat ti amin malaksid laeng kadagiti aglablabsing iti pagilianda.
Inpettengna a nakasaganada a makilaban kadakuada iti baet kadagiti maaw-awatda a pangta.
Maipalagip a nagpangta ni Trump a dadaelenda dagiti oil ken gas facilities ti Iran no saanda nga agtungpal.
