LAOAG CITY – Ad-adalen ti Department of Education ti posibilidad ti pannakaipatungpal ti class schedules adjustment kadagiti pagadalan gapu iti kinabara ti panawen.
Gagem daytoy nga addang tapno maipasigurado ti kinatalged dagiti agad-adal pakairamanan dagiti school personnel.
Nangipatungpal ti ahensia kadagiti measures gapu iti napudot a paniempo kadagiti sumagmamano a lugar ditoy pagilian.
Karaman ditoy ti posible nga adjustment ti serrek ti nasapsapa wenno late afternoon tapno maliklikan ti init.
Inbatad ni Department of Education Sec. Sonny Angara kadagiti sumagmamano a pagadalan ken lugar a ti serrek ket nai-adjust manipud iti alas sais ti bigat agingga iti alas dies ti bigat.
Ti serrek met ti malem ket mangrugi ti alas dos ti malem agingga alas sais ti rabii.
Mangrugi met ti alas dies ti bigat agingga iti alas dos ti malem ti asynchronous learning kadagiti pagadalan.
