LAOAG CITY – Inadmitir ti Israel a basolda ti pannakairaman ti pannakatay dagiti 15 nga emergency workers idiay Gaza.
Nagturong ti convoy ti Palestinian Red Crescent Society (PRCS) ambulances, lugan ti United Nation ken fire truck manipud iti Gaza Civil Defense iti rinnupak nga asideg ti Rafah.
Inbatad ti Israel a nagpaputokda gapu ta ti sumungsungad a convoy ket mapagat-atapan iti nasipnget a lugar nga awan ti headlights wenno flashing lights daytoy.
Ti garaw ti lugan ket saan a nakikoordinar ken nakisarita kadagiti suldado ti Israel.
Mainaig iti daytoy, basar iti mobile phone footage manipud iti maysa kadagiti paramedics a natay ket makita nga adda ti silaw ti lugan tapno mapanda agresponde kadagiti nasugatan nga indibidual.
Naammoan a nagtultuloy ti mobile phone footage ti sumurok lima a minuto no sadinno a mangngeg ditoy nga agkarkararag ti maysa a kadagiti paramedics a ni Refat Radwan sakbay a nangngeg ti boses dagiti suldado ti Israel nga umasideg iti lugan.
Kabayatanna, pinaputukan ti Israel Defense Forces ti maysa a lugan nga adda ditoy ti tallo a kameng ti Hamas.
