LAOAG CITY – Naawaten ti Israel, babaen ti Red Cross, ti lungon nga inbatad ti Hamas a naglaon iti bangkay ti sabali pay a natay a hostage idiay Gaza.
Kuna ti opisina ti prime minister ti Israel a maipan ti lungon manipud Gaza nga agsubli idiay Israel, ken maiyuswat ti DNA testing para iti pakabigbigan na.
No makumpirmaran nga hostage daytoy, insublin ti Hamas ti 16 kadagiti 28 nga Israeli wenno ganggannaet a hostage nga iggemna sakbay a nangrugi ti ceasefire dua a lawas ti napalabas.
Daytoy ket kalpasan nga inbaga ti gobierno ti Israel a pinalubosanna ti maysa a kameng ti Hamas a sumrek iti teritorio idiay Gaza a kontrolado ti Israel Defence Forces (IDF) tapno tumulong kadagiti Red Cross ken Egyptian personnel a mangsukimat kadagiti nabati a natay a hostage.
Ummunan nga inaskuaran ti Israel ti Hamas a naglabsing iti ceasefire deal gapo ta saan na pay nga insubli dagiti amin a bangkay dagiti natay nga hostage.
