LAOAG CITY – Maibilang ti Israel kas kaunaan a pagilian a pormal a nangbigbig iti self-declared Republic of Somaliland kas maysa nga independent and sovereign state a maysa a desision a mabalin a maminsan manen a buklen ti regional dynamics ken gandaten ti nabayagen a panangkontra ti Somalia iti panagsina.
Inbatad ni Prime Minister Benjamin Netanyahu a ti Israel ket nagkiddaw ti alisto a pannakitinnulong iti Somaliland iti agrikultura, salun-at, teknolohia ken ekonomia.
Iti maysa a rakurak, kinablaawanna ti Presidente ti Somaliland a ni Abdirahman Mohamed Abdullahi, dinayawna ti panangidaulona ken inimbitaranna isuna a bumisita idiay Israel.
Segun iti Israeli statement, pinirmaan ni Netanyahu, Foreign Minister Gideon Saar ken Somaliland’s President ti nagtipon a deklarasion ti mutual recognition.
Inbatad ni Abdullahi iti maysa a rakurak a ti Somaliland ket makipaset iti Abraham Accords a maaw-awagan daytoy a maysa nga addang nga agturong iti regional ken global peace.
Kunana a ti Somaliland ket nakapokus iti panangbukel kadagiti partnerships, panangpapigsa iti panagsagana ken panangitandudo ti kinatibker iti sibubukel a Middle East ken Africa.
Kabayatanna, kinondenar dagiti ministro ti panangbigbig ti Israel iti Somaliland, naminsan manen a pinaigetan ti suportada para iti panagkaykaysa ken integridad ti teritorio ti Somalia ken nagballaag ti panangbigbig kadagiti nakisina a rehion ket nangitunda ti pangta iti international peace and security.
