LAOAG CITY – Nangiyuswat ti Israel kadagiti baro a panagatake iti Lebanon ken Iran iti maikapito nga aldaw wenno maysa a lawas a gubat iti Middle East.
Kinumpirmaran ti Israeli Defense Forces (IDF) a nangipatungpal da ti nalawa a serye ti strikes iti kabisera ti Lebanon a Beirut no sadinno a nagpatpatnag a pinuntirya da ti sites ti Hezbollah.
Karaman ditoy ti command centers ken multi-story buildings iti kabisera kasta pay dagiti pasilidad no sadinno a nakapenpen ti drones ti militante a grupo nga us-usaren da para iti terror attacks kadagiti tropa ken estado ti Israel.
Segun iti Israeli Defense Forces, addan iti 26 a serye ti strikes ti naipabanto da iti Dahiyeh area ti Lebanon, suburb iti laud ti Beirut a kaadoan nga agnanaed ditoy ket Shia Muslim.
Ikonkonsiderar met ti Israel ti nasao a suburb kas kuta ti Hezbollah.
