LAOAG CITY – Nangiwayat ti panangatake ti Israel military iti pagilian a Lebanon.
Basar iti Israel Defense Forces, target-da iti nasao a panangraut ti Hezbollah ken Hamas.
Tinarget-da ti military infrastructure ti Hamas ken Hezbollah iti uppat a lugar ti Lebanon.
Naruay a residente ti naibakwit gapu iti nasao a panangatake no sadinno a sumagmamano a pasdek ti nadadael.
Ti nasao a panangatake ket kagiddan ti naiwayat nga airstrike ti Israel iti ili ti Bint Jbeil, Lebanon a nakatayan ti dua nga indibidual.
Intultuloy ti Israel ti panangatake uray adda ti ceasefire a maipatpatungpal nga indauluan idi pay 2024 ti Estados Unidos.
