LAOAG CITY – Tingtingitingen ti Israel ti claims ti Hamas nga inpaimana daytoy iti Red Cross ti maipagarup a pudno a bangkay ti natay nga hostage nga Israeli a ni Shiri Bibas.
Daytoy ket kalpasan a naduktalan ti Israel iti naiwayat a forensic testing a sabali a bangkay ti nai-turnover ti Hamas.
Mainaig iti daytoy, agsagsaganan ti Israeli medical authorities tapno mangiwayat ti identification test apaman a makasangpeten iti Israel ti nasao a bangkay.
Manarimaan ti pannakikoordinar ti Israeli Defense Forces iti pamilia ni Bibas seknan iti daytoy.
Maipalagip nga immunan nga inakusaran ti Israel ti Hamas iti panaglabsing iti ceasefire deal kalpasan a naduktalan a sabali ti bangkay ti maysa kadagiti uppat nga inpaima ti Hamas.
Inlawlawag met ti pannakangiwat ti Hamas a ni Ismail al-Thawabta a posible a nailaok ti bangkay ni Shiri Bibas kadagiti dadduma a bangkay a nagaboran iti narpuog a pasdek kalpasan ti air strike ti Israel.
Immuna iti daytoy, naiget a naglikudan ti Israel ti nasao nga akusasion ti Hamas ken kunada a ti rimmuar a forensic findings kadagiti dua nga annak nga ubbing a lalaki ni Shiri Bibas a brutalda a pinatay.
