LAOAG CITY – Intuloyen ti Israel ti panangwaya-waya kadagiti 110 a Palestinian prisoners kas paset ti ceasefire ken hostage deal iti Hamas.
Naammoan a dagiti nawaya-wayaan a balod ket naiyakar kadagiti sumagmamano a detention facilities ti Israel kangrunaanna iti Ofer ken Ketzoit prison.
Daytoy ket kasukatda ti walo nga hostage nga immunan a pinaruk-atan ti Hamas idi Huebes.
Karaman ti pinaruk-atan ti Israel ket ni Zakaria al-Zubeidi a maysa nga high-profile Palestinian prisoner.
Rumrummuar nga isuna ti nangidaulo ti riribok iti Palestine idi 2000 no sadinno a commander daytoy ti Jenin branch ti Al-Aqsa Martyrs Brigades ti militant wings ti Palestinian political party a Fatah.
Immuna iti daytoy, nangrugi ti rinnupak kalpasan a naitantan ti nagbalin a kari ti Israel iti pannakawaya-waya dagiti Palestinian prisoners.
Nagusar kadagiti rubber bullets dagiti otoridad iti Palestine gapu iti tignay protesta iti paset ti West Bank.
