LAOAG CITY – Naka-schedule nga umay bumisita ni Israeli Ambassador to the Philippines, His Excellency Rafael Harpaz intono domingo, setyembre primero.
Daytoy ti kinumpirmaran ni Mr. Romar Fiscante iti City Communication and Media Affairs Office ditoy ciudad.
Adda ti pammilin ni Mayor Michael Marcos-Keon iti Tourism Office ken Communication and Media Affairs Office a mapan danto sabaten ni Harpaz iti Laoag International Airports (LIA) intono domingo.
Kuna ni Fiscante a saan pay a makumpirmaran no ania ti gagara ni Harpas ditoy ciudad ti Laoag.
Nupay kasta, kuna na a mabalin nga umay na kitaen ti sitwasyon ditoy ciudad ti Laoag kalpasan ti iduduprak ti bagyo Ineng ken Jenny.
