LAOAG CITY – Bwineltaan ni Israeli Prime Minister Benjamin Netanyahu da United Kingdom Prime Minister Sir Keir Starmer, French President Emmanuel Macron, ken Canadian Prime Minister Mark Carney.
Inakusaran ni Netanyahu da Starmer, Macron ken Carney a mangsupsuporta ti Hamas kalpasan a dinillaw da dagiti addang ti Israel iti Gaza no sadinno nga inpetteng dagiti nadakamat nga opisyal a mangitunda daytoy ti “intolerable” nga humanitarian crisis. .
Segun ken ni Netanyahu, dagiti lider ti Britain, France ken Canada ket supsuportaran da ti “mass murderers, rapists, baby killers, ken kidnappers” a karaman iti Hamas.
Inpetteng pay ni Netanyahu a kayat dagiti nasao nga opisyal nga agtalinaed ti Hamas iti turay.
Maipalagip a ti riribok ket nangrugi manipod iti agtultuloy a mapaspasaran a krisis iti gaza no sadinno a mapatta-patta a nasurok a 53 ribo a tattao karaman dagiti ubbing ti natay sipud idi Oktubre 2023.
