LAOAG CITY – Inpetteng ni Israeli Prime Minister Benjamin Netanyahu nga itultuloyda ti panangrut iti Rafah City iti Gaza iti baet nga adda ti nagbalin a katulaganda iti nagbaetanda iti Hamas.
Kinunana kadagiti kabagian dagiti hostage nga iggem ti Hamas a saanda nga agsardeng ti panangiwayatda ti panangriribuk iti Rafah City adda man wenno awan ti katulagan.
Ti nasao a rakurak ni Netanyahu ket kalpasan nga ikonkonsiderar ti Hamas nga adalenda ti baro a saritaanda maipanggep iti kinakappia.
Maipalagip nga inlungalong ti Qatar ken Egypt kas mediator a mawayawayaan dagiti hostage ti Hamas ken maaddaan ti permanente a panagsardeng ti putukan.
Awan apy ti konkreto a plano ita ti Estados Unidos tapno ikabilda iti lugar dagiti umili ti Rafah no bilang ituloy ti Israel ti panangraut.
Segun ken ni State Department spokesperson Vedant Patel a kitaenda pay laeng nga umuna ti credible a plano ti Israel sakbayda a sumungbat iti nasao a katulagan.
Immuna iti daytoy, inpaganetget ni United States President Joe Biden a saanda a suportaran ti aniaman a panangraut ti Israel iti Rafah.
