LAOAG CITY – Nagpanawagan ni Italian Cardinal Giovanni Battista Re para kadagiti isyu nga asideg iti puso ti pimmusay a ni Pope Francis pakairamanan dagiti migrants, panaglippas ti rinnupak ken panagtignay kontra iti panagbalbaliw ti klima.
Ti mensahe ket maisaysayangkat kalpasan ti namaris a sermon iti bangkay ti Santo Papa idi kalman, aldaw ti Sabado, Abril 26, 2025.
Dinakamat pay ni Re iti sermon ti maysa a nadagsen a kritisismo idi ni Pope Francis ken ni United States President Donald Trump a present iti pannakaitabonna nga agipataker ti rangtay a saan ketdi dagiti pader.
Maysa a banag a nangipakita ti nagbaetan ti Santo Papa ken ni Trump iti isyu ti immigration.
Ti sermon a mangmangngegan a minilyon a tattao ket maysa a nalawag a mensahe kadagiti cardinal nga asidegen nga agpili ti sumaruno a Santo Papa.
Daytoy ket maibilang a panangtarabay para iti isayangkatda a deliberasion a mangibagbaga ti panangtutok kadagiti isyu a tinalantan ni Pope Francis.
Kabayatanna, ti pannakaitabon ni Pope Francis ket minarkaan kas maysa a naannayas a seremonya nga inatendaran dagiti lider manipud iti nagduduma a pagilian pakairamanan ni Presidente Ferdinand Marcos Jr. ken dadduma pay a lider iti intero a lubong.
