LAOAG CITY – Naglikudan ti management ti “It’s Showtime” dagiti sayangguseng a nasuspenso ti komediante a ni Vice Ganda iti programa mainaig iti reklamo a ‘racism’ a naipila iti Movie and Television Review and Classification Board (MTRCB).
Gapu iti daytoy, maipagarup nga isu ti gapuna nga awan ti komendiante iti noontime show a naudi a nakita ni Vice Ganda iti programa idi Hulio 28.
Naglikudan met daytoy ti maysa nga executive iti programa ken kunana a nakabasion laeng daytoy ngem saanna nga inbatad no kaano ti panagsubli ti komediante iti programa.
Maipalagip nga inawagan ti Movie and Television Review and Classification Board (MTRCB) ti producers ti “It’s Showtime” idi Hulio 28 kalpasan a nakaawat daytoy ti reklamo kontra iti programa mainaig iti maysa nga episode ti “Memerimar” skit idi Hulio 24 a tampok ni Vice Ganda ken Baby Dolls member a ni Johaira.
