LAOAG CITY – Saan man a nainaganan ngem obyus met a ni Kim Domingo ti paspasagidan ti dati a showbiz reporter-direktor a ni Ronald Carballo kas kasukat ni Ivana Alawi iti teleserye ti Kapamilya Network.
Ni Ivana ket agak-akem kas Bubbles iti Batang Quiapo a pagbidbidaan ni Coco Martin.
Iti maysa nga episode ti Batang Quiapo ket naiyam-ammon ti karakter ni Madonna played by Kim.
Nangiburay ti reaksionna ni Carballo maipanggep iti partisipasion ni Kim.
Iti panagserrek ti aktres ket saan a maliklikan nga ikumpara isuna ken ni Ivana.
Para ken ni Carballo, napinpintas nga amang, mas sexy ken nalalaing nga umarte ni Ivana maidasig ken ni Kim.
