Inwaragawag ti singer-actor a ni James Reid iti maika-31 a panagkasangayna a nakasaganan daytoy nga ag-settle down.
Inlawlawagna a maysa laeng daytoy kadagiti planona ita gapu ta kayatna pay laeng nga ituloy ken padakkelen ti karerana iti industria ti musika.
Ngem no maipapan iti panag-settle down, ti laeng sungbat ti aktor ket inton mabiit a panawen.
Malaksid iti daytoy, kinuna ni James a magagaran nu man pay mapasamak daytoy gapu ta ammona a nakasaganan isuna emotionally ken mentally.
Innayonna nga adu ti nasursurona idi agtawen pay laeng isuna ti 20 ken maysa kadagitoy ti isasangpet ni Issa Pressman iti biagna.
Iti agdama, inpasigurado ti aktor a naragsak isuna iti relasionda ken kasta unay ti panagayatna.
