LAOAG CITY – Inrakurak ti sikat a Japanese boy band nga Arashi nga isuda ket agsisinan.
Iti social media account dagitoy, inpakaammo ti five-member group a lippasenda laeng ti concert tour-da inton 2026 sakbay a naan-anay nga agsisinada.
Idi pay 2020 ket saandan a nagbalin nga aktibo no sadinno nga ad-adda a pinilida nga agulimek lattan.
Ti grupo a bukbuklen da Satoshi Ohno, Sho Sakurai, Masaki Aiba, Kazunari Ninomiya ken Jun Matsumoto ket sumurok maysa a tawen a nagtaripnong para iti planoda nga agsubli.
Nupay kasta, gapu ta naaddaandan ti kabukbukudan a prioridad iti biag ket nagdesision ti grupo nga agsisinadan.
Idi tawen 1999 idi nangrugi ti grupo no sadinno dagiti sumagmamano a nalatak a kantada ket ti “Love So Sweet,” “Happiness” ken dadduma pay.
