LAOAG CITY – Naikkat kas head coach ti Dallas Mavericks ni Jason Kidd kalpasan ti lima a tawen a panagserbi na ken naaramid na nga indaulwan ti grupo tapno maibulsa ti Western Conference championship iti 2023-2024 season.
Nupay kasta, nairehistro na met ti tallo a ‘losing season iti Dallas, karaman ti kalepleppas a season no sadinno a nabalkot ti grupo ti makapadismaya a 25-56 a rekord.
Iti official statement nga inparuk-at ti grupo, nagyamanan da ti nagbalin a kontribusyon ni Kidd kas maysa a dati a player ti Dallas ken kas coach.
Inbatad ti grupo a saan a magatadan ti tulong ni Kidd iti sibubukel a franchise, aglalo idi naikabil na ti Dallas iti Finals idi 2024.
Immuna a nagpirma ni Kidd ti contract extension na idi Oktubre 2025 ken adda koma pay ti uppat a tawen na nga agtalinaed iti grupo, karaman ti $40 million a bayad.
Nupay kasta, inbatad ti Dallas a napagnunumoan ti team management ken ti kampo ni Kidd a naan-anayen nga ileppas ti koneksyon da.
