LAOAG CITY – Pinili ni Jennelyn Mercado a saan nga agsungbat iti publiko a wagas kontra iti inbutaktak ni Patrick Garcia mainaig iti relasion ken breakup-da.
Kunana nga ad-adda a pilyenna a protehiran ti privacy ken peace of mind iti bukodda a pamilia.
Kinumpirmaran daytoy ti Aguila Entertainment, talent management agency ni Jennelyn.
Malaksid iti daytoy, nagkiddaw ti aktres nga isardeng ti panagatake ti pamilia ni Patrick, partikular iti anakna a ni Michelle.
Imbes nga ibutaktak ni Jennelyn ti bukodna nga istoria, binigbigna ti karbengan ni Patrick nga ibatad ti bukodna nga istoria.
