LAOAG CITY – Manamnama a mangiyuswat ni Juan Karlos Labajo ti kaunaan a major concert-na ita a tawen.
Iti online account-na, inrakurakna ti nasao a concert a maisayangkat inton Nobiembre 29 iti SM Mall of Asia Arena iti siudad ti Pasay.
Ti kanginaan a presio ti nasao a tickets ket agbalor ti P8,500 idinto ti general admission ket dumanon iti P750.
Naammoan nga adda ti gundaway a makalangen-langen dagiti nakagatang ti SVIP tickets ti singer-actor ken makaala dagitoy ti exclusive merchandise.
Mangrugi ti pannakailako kadagiti tickets inton Setiembre 13.
Maipalagip nga iti napalabas a tawen ket simmikat ti kantana nga “Ere” no sadinno daytoy ti nagbalin a number 2 kadagiti sumagmamano a music streaming.
