LAOAG CITY – Kimmanunong ni dati nga NBA MVP Joel Embiid nga agpirma ti contract extension nga agpaot iti tallo a tawen.
Basar iti report ti NBA, manamnama nga agpirma ti bigman ti Philadelphia 76ers ti $193 million maximum contract extension.
Nakaipalaon ti kontrata ti player option para iti 2028-2029 season.
Kabayatanna, iti nagsina a rakurak ket inbatad ti Sixers star a kalikagumna nga agtalinaed iti Philadelphia iti unos ti panagay-ayamna.
Inbatad ni Embiid, adu pay ti masapol nga aramiden iti koponan.
Kunana a napintas a makagun-odda ti championship ken mangrugrugi pay laeng ti koponan para iti daytoy.
Iti napalabas nga offseason, naaramid ti Philadelphia nga alaen ni Paul George ken nagpirma ti $212 million contract.
Immunan a nagpirma iti extension ni Tyrese Maxey nga agbalor iti $204 million.
Iti panaglukat ti season, agkadua ti big-3 ti koponan nga isuda Embiid, CP3 ken Maxey, maysa kadagiti nakita dagiti NBA analysts nga agbalin a pangta iti Eastern Conference.
