LAOAG CITY – Proud girlfriend ni Julia Montes ken ni Coco Martin.
Daytoy ket kalpasan a nagpost ti aktres idi nagselebrar ti panagkasangay ti aktor.
Segun ken ni Julia, naragsak ti lovelife ken trabahona no sadinno a makumikom isuna iti drama series a Saving Grace a kaduana ni Sharon Cuneta.
Inbatadna a saan laeng ditoy pagilian ti pakabuyaan ti nasao a drama no di ket mabalin pay a mabuya iti ballasiw-taaw agingga iti 240 a pagilian.
Kabayatanna, adda dagiti sayangguseng a ti ama ti anak ni Julia ket ni Coco ngem banag nga awan pay ti komentoda maipanggep iti daytoy.
