LAOAG CITY – Inbutaktak ti Canadian singer a ni Justin Bieber a na-hack ti Instagram-na.

Daytoy ket kalpasan a rimmuar iti damag nga in-unfollow-na ti asawana a ni Hailey iti IG.

Sipod idi nakita dagiti fans ti dua ti panag-unfollow ti singer iti asawana ket atapenda a nagsinan dagitoy.

Naudi a nakita dagiti agasawa nga agkadua ket iti napalabas a lawas kaduada da Kendall ken Kylie Jenner iti maysa nga ice ski resort.

Iti online account ti singer, inbatadna a nabiktima isuna ti cyber hacking ken naisubli met laeng ti account-na.

Kalpasan a naisubli ti account-na ket dagus a nag-follow daytoy iti asawana.

Nagkallaysa ti dua idi Septiembre 2018 no sadinno nga addaanda ti anak a lima a bulan a ni Jack Blues.