LAOAG CITY – Maibilang pay laeng a maysa a napintas a damag ti pannakapili ken ni Gilas Pilipinas naturalized player Justin Brownlee iti All-Star Five ti FIBA Olympic Qualifying Tournament idiay Riga, Latvia.
Nupay napaay ti Pilipinas a makastrek iti Olympics ket napabilib latta ti FIBA ken ni Brownlee nga addaan ti 23.0 points average, 8.3 rebounds ken 6.3 assists iti tallo nga ay-ayam.
Adda met ti shooting average a 46.2 percent manipud iti field ken 43.5 percent manipud iti long distance.
Basar iti FIBA a nalaing iti ay-ayam ni Brownlee ken dakkel a factor daytoy ti Gilas Pilipinas.
Iti biang met ni Gilas coach Tim Cone a pudno a dominado ni Brownlee kadagiti ay-ayam no sadino awanen ti makatulad iti kinalaingna nga agay-ayam.
Nagyaman ni Brownlee kadagiti panangkablaaw kenkuana no sadino saan daytoy nga agballigi iti bukudna laeng a bagi imbes ket babaen iti sibubukel a kagrupona.
Kadua ni Brownlee iti listaan da Bruno Cabocio, Leo Meindl ti Brazil , Rihards Lomazs ti Latvia ken Jeremiah Hill ti Cameron.
