LAOAG CITY – Iti basement ti More’s Department Store idiay Kawasaki, Japan, masarakan ti naidumduma nga atraksion: ti kabassitan nga escalator iti intero a lubong.
Adda ti kangatona a 83.4 centimeters ken addaan ti lima nga addang.
Naipatakder idi 1989, daytoy nga escalator ket paset ti plano tapno ikonektar ti underground level ti nasao a department store iti asideg ti Azalea underground shopping center.
Saan nga agpada ti rukod dagiti kadsaaran ket adda ti naikabil a kongkreto a beam a nangitunda no apay a saan nga umanay ti motor ti escalator.
Gapu iti daytoy, nagdesision dagiti inhinyero nga aramiden a basbassit ti escalator imbes nga ikkaten daytoy iti plano.
Iti kamaudiananna, nagbalin daytoy nga opisial nga smallest escalator iti intero a lubong a nakairekord pay iti Guinness Book of World Records.
Iti agdama, ti escalator a dati a pababa ti direksionna ket inaramid a pangato ti walo a tawenen ti napalabas tapno mausar dagiti lumabas.
