LAOAG CITY – Kinumpirmaran ni Barangay Chairwoman Bang Rarangol iti Barangay Nagpatpatan iti ili ti Solsona a saan pay a naiturn-over dagiti equipment ti barangay nga iggem dagiti dati nga opisyal ti nasao a lugar.
Karaman kadagiti nasao nga equipment ket dagiti water pump, rice tracer, tilyar, kuliglig ken dadduma pay a naipaima kadagiti opisyal ti naglabas nga agdministrasyon.
Segun kenni Rarangol, sipud nagtugaw iti pwesto itay napan a tawen ket awan pay ti nai-turn over kadakuada uray maysa nga euipment.
Inbatad na nga idi kapitan pay laeng ti ama na ket adda ti pinusgan na a kagawad a mangkita kadagiti nasao nga equipment ngem agpapan ita ket awan pay ti naaw-awat da.
Kunana a basar kadagiti impormasyon a naamoan na ket makadanon pay iti ili ti Dingras dagiti equipment ken ti masapolan ket maipagarop a kukua dagiti akin-iggem a dati nga opisyal.
Plano ita ni Rarangol nga agpa-interview kadagiti kagamitan ti barangay tapno maikkan ti summon dagiti maseknan a dati nga opisyal ken no saan da a mapan makisarita ket ireport na iti DILG.
