LAOAG CITY – Nagwaras iti social media kangrunaan iti facebook ti kanta ti sumagmamano nga overseas Filipino worker para kenni Joana Daniella Demafeliz, a naipan iti freezer idiay Kuwait.
Adu nga OFWs ti nakiladingit iti pannakapapatay ti Pinay a nakamansayag idiay Sara, Iloilo.
Maysa ni Ms. Prima Fernandez ti Cauayan City, Isabela, ken agtrab-trabaho kas OFW idiay Taiwan
Indaton ni Fernandez ti kanta nga “Kahit Kunting Awa” para kenni Joana.
Kuna ni Fernandez nga uray saan na nga am-ammo ni Joana ket narikna na ti sakit a pinasar ti Pinay manipud kadagiti amo na.
Namnamaen na a saan a maulit ti napasamak kenni Joana kadagiti sabsabali nga OFWs.
Daytoy ti kinanta ni Fernandez para kenni Joana.
