LAOAG CITY – Inaprubaran ti Kamara de Representates iti maudia pannakabasa na ti gakat a mangidekdeklara nga Special Non-Working Holiday iti Ilocos Norte iti kada Setyembre 11 iti kada tawen.
Daytoy ket paset iti panangbigbig kenni dati a Presidente Ferdinand Marcos.
Babaen iti 197 affirmative votes, 9 negative, ken maysa nga abstention, inaprubaran ti akinbaba a balay pagpandayan linteg ti House Bill No. 7137 a mangideklara ti nasao a petsa kas “President Ferdinand Edralin Marcos Day” ditoy probinsya.
Ti author ti nasao a gakat ket isuda 1st District Rep. Ria Fariñas, 2nd District Rep. Angelo Marcos Barba ken Probinsyano Ako Rep. Rudys Caesar Fariñas.
Maipalagip nga idi 2017, inproklamar ni Presidente Rodrigo Duterte ti September 11 kas Special Non-Working Day nga aldaw ti pannakaiyanak ni Marcos.
Kabayatanna, ti bangkay ti dati a presidente ket naitabon iti Libingan ng mga Bayani idi November 18, 2016, kalpasan nga inpalubos ti Supreme Court iti laksid ti naiget a panangkontra dagiti kritiko ken human rights groups.
