LAOAG CITY – Inaprubaran ti House of Representatives ti maikatlo ken maudi a pannakaibasa na iti 12 a gakat a prioridad ti Legislative Executive Development Advisory Council (LEDAC) sakbay a nasuspende ti sesion para iti Christmas break.
Karaman kadagiti naaprubaran ket ti Assistance to Individuals in Crisis Situation (AICS) Bill, National Reintegration Bill para kadagiti OFWs, ken ti National Center for Geriatric Health Bill para iti nasaysayaat a serbisio medikal para kadagiti nataengan.
Pinatibker pay ti Kamara dagiti gakat a mainaig iti edukasion, agraman dagiti pannakabalbaliw ti Government Assistance to Students and Teachers in Private Education Act ken ti Teachers Professionalization Act.
Dagiti dadduma pay a bill a naipasa ket ti Blue Economy Act, pannakapapigsa ti Energy Regulatory Commission, waste-to-energy bill, pannakaipasdek ti Department of Water Resources, pannakaamendar ti National Building Code ken Bank Secrecy Law, ken pannakapalawa ti estate tax amnesty.
Ginutigot ni Speaker Faustino “Bojie” Dy III dagiti agpanpanday-linteg nga itultuloy da ti kadagiti umili ken nagyaman kadagiti amin a nakitinnulong iti pannakaputar dagiti linteg.
