LAOAG CITY – Intantan ti House of Representatives ti panangawatda ti articles of impeachment kontra ken ni Vice President Sara Duterte nga insubli ti Senado.
Iti naisayangkat a plenary session ket pinatibker ti House of Representatives ti mosyon nga inpasa ni House Deputy Majority Leader Faustino “Inno” Dy V ti Isabela no sadinno a nasken nga urayen pay laeng ti sungbat iti clarificatory questions manipud iti House prosecution panel.
Aw-awaganda a saan a nalawag no apay nga insublida kadakuada ti impeachment complaints.
Gapu iti daytoy, kasapulanda nga agisubmitir ti dua a dokumento kas ti sertipikasion a ti House of Representatives ket nag-complied iti constitutional requirements iti panangitandudo ti verified complaints kontra ken ni Duterte.
Masapul pay nga agisubmitirda ti resolusion manipud iti House of Representatives ti 20th Congress a mangipasigurado nga ipursigeda ti prosecution ti nasao a reklamo.
Inlawlawag ni Batangas Rep. Gerville Luistro a daytoy nga addang ket saan a panangbastos iti proseso.
