LAOAG CITY – Balligi a naisalakan ti Southern Police District (SPD) ken Taguig City Police Station dagiti walo pay laeng a bolan a lallaki a kambal nga ubbing iti Candaba, Pampanga kalpasan ti nagsasaruno nga operasion kontra iti Human trafficking a nagresulta iti pannakatiliw iti tallo a suspek.
Nangrugi ti imbestigasion kalpasan ti panang-report ti lola dagiti ubbing kalpasan nga inlako ti bukodda nga ina ti kambal iti maysa a babai a naamammona iti Facebook.
Basar iti inisial nga imbestigasion, ni alyas “CMPF’ ti ngangipatulod iti agtawen 24 nga ina ti P27,000 iti babaen ti online transfer.
Kabayatanna, sumangsango dagiti tallo a suspek kadagiti kaso a panaglabsing iti Expanded Anti-Trafficking in Persons Act ken Special Protection of Children Against Abuse, Exploitation and Discrimination Act.
